ગીતા સાર - અર્જુન સાંભળો રે

બોલ્યા બોલ્યા શ્રી ભગવાન, અર્જુન સાંભળો રે

આત્મા મરતો નથી અમર છે, એવું સમજે તે જ્ઞાની છે

સત્કર્મ ધર્મ કહેવાય, આચરતાં ચિત્ત શુદ્ધિ થાય

સત્કર્મ સદા આચરીયે ફળ હરિને અર્પણ કરીએ

પોતે પોતાના ગુરુ બનીએ નારાયણનું ધ્યાન જ ધરીએ

વાસુદેવ સર્વ વ્યાપક છે હજારોમાં કોક જાણે છે

આખા વિશ્વતણો ક્ષણ થાય, મારું ધામ અક્ષય કહેવાય

સરજુ પાળુને સહારું માટે ભજન કરો તમે મારું

હું અનંતરૂપે વસનારો, જગને ધારણ કરનારો

અંતરની આખો ખોલો, મને સઘળે હવે તમે જોઈ લો

અનન્ય ચિંતન મારું કરશે તે તો મૃત્યુ સાગર તરશે

દેહ પ્રકૃતિને કહેવાય, જીવ મારો અંશ કહેવાય

જ્યારે ભેદભાવના જાયે, ત્યારે સમાનતા આવે,

જગ વૃક્ષ તણું જે મૂળ છે, જડ ચેતનથી ઉત્તમ છે

સદબુદ્ધિ દેવ કહેવાય, કુબુદ્ધિ અસુર કહેવાય,

જેવું અન્ન તેવું મન, જેવી શ્રદ્ધા તેવું મન

સઘળા ધર્મો છોડી દોને, તમે મારે શરણે આવો ને

ગીતામૃત પાન જે કરશે તેને જીવનમુક્તિ મળશે

કવિશ્રી - શ્રી શિવરામ

======== * ========